森の星球™ - - BlogBus.com

新年 - *新活

唔经唔觉已经年初五...发觉时间过得很快...

从年廿八开始一直都未得闲过~过年最大嘅项目就系食
而且真系劲攰...初三八点几起身去河南初四又去芳村...真系好攰...
今日本来谂住开始奋斗...最终食白果...早上实在攰得摞命训到11点先勉强起身
下午又有人黎我屋企又无状态复习...好担心ing...
听日乡下d亲戚出黎...希望食餐饭就算拉快d复习拉...
最近好担心嘅系考唔到然后就算去睇sammi都唔愉快...
真系好想继续读...

寻日去左睇diane表姐未来新居虽然唔大但系我中意细细地但系好warm嘅感觉
突然有个想法...
唔知会唔会有一日我都会有自己一间屋呢?
我希望我如果买屋都会系呢只feel 唔需要好大唔需要系正市中心最紧要有地铁
最紧要个会所同个环境要好...咔咔...
我知我啊妈之辈会宁愿间屋大d 都唔要享受d大堂装修有几豪华...但系我中意哈哈~~~
希望会有呢一日...

依然唔想去计划未来...随遇而安拉...咔咔希望啊妈帮我俾首期...然后供死我...哈哈哈哈哈哈哈哈哈哈哈

今日终于决定对spaces呈半放弃状态...决定更新呢度然后得闲复制过去就算...
spaces虽然多d野搞自由d 可以整得靓靓...
但系d字体嘅间距同模板嘅单调加上致命嘅速度问题能够忍受到今时今日我都算犀利...
最终发觉自己慢慢成为一个blogger嘅时候,点整个版面已经无乜意思,最重要系一个可以纪录关于自己嘅野嘅地方.
jan讲.写blog嘅人系露体狂,睇blog嘅人系偷窥狂.
家下大家都写blog希望同陌生人分享自己生活,却好多野系现实中都讲唔出口,不无道理,也觉得没有所谓.
"哦...我send条line你自己上去睇拉!"咔咔