森の星球™

the last week - *新活

最后一周绝不上网不回SMS

闭关修炼向大学城进发闲事勿扰

衷心祈求上苍保佑顺顺利利

希望各位过路人留下脚印为我加油为我祈祷

3月25日森之星球更新

目黑 | 2007-03-18 | Read Detail | Commons 2

i hate the wet weather . - *新活

十分讨厌呢d甘嘅天气又冻又湿...
周围都好似湿"立立"嘅感觉好唔爽...无d阳光周围系雾气...
d衫仲好难干tim...听日应该都要烫干佢拉...

家下发现自己其实都唔系太中意冻...
当然夏天的时候我不会这样说的...

今日好无聊甘开住部电脑down左好多野同时复左成日习...
东京塔 DH PB ANTM都搞掂晒...
家下down紧kay嘅音乐会...

ps 今日突然摞出果500鸡sammi演唱会基金...
发觉我想用左佢还钱...唔想睇lu.
当然最大原因系买唔到票而已...

目黑 | 2007-03-10 | Read Detail | Commons 4

pictures tell stories ... - *新活

呢个就系由超变态超无聊嘅舍友发明嘅"魔术"...
本来直嘅钟轻轻一吹挛左得左 the end...实在唔能够唔比个"FXXK"嘅手势结束...哈哈

个f系屋企无聊画左个超得意嘅"自画像" 叫佢帮我画画就画到...哈哈好畏锁...
嘻嘻佢叫我唔好发嘎拉我都系决定发上黎...哈哈
都无乜啊几得意啊~~i like最紧要哈哈~~

经过今日下午极度痛苦嘅两节听力课之后摞住一大袋邋遢衫终于都翻到屋企...
好攰甘翻到屋企仲要冲凉洗衫
好攰好攰好攰啊...
自己张被真系好舒服啊...

ps 今日上听力课个老师话会播<THE QUEEN>...全班得两个男生睇过
证明d女人去晒搵工ing...

目黑 | 2007-03-09 | Read Detail | Commons 9

at school . - *新活

第一个星期翻学总觉得d时间过得好慢...今日先星期三...唉...

十分不幸的一份课程表个个班都上三日课我地班就上四日系得星期三无课
最折堕嘅系星期五下昼竟然仲有课真变态...估唔到最后一个学期先搞d甘嘅野实在悲哀...
呢几日嘅复习尚算ok 尽管未能完成"任务" 但总算睇左唔少...
对手实力强劲...唉...但系我相信依然ok嘅...

黑丝袜女人继续泛滥而且泛滥的程度实在...唉...
我对黑丝袜无偏见但系脚粗嘅人着就摆明要自曝其短姐
仲有果d本来已经生得狐狸精格嘅女人再加黑丝袜活活地一群死姣婆死鸡婆走系路上
场面实在无奈...

大家都开始忙住搵野做lu...真系感到毕业唔远了...
学分问题终于有个答复而最后亦系各个类别限选课中成功修满仲系公共类限选任选外超学分仲要补money tim...
呢个都算系近几个学期最担心嘅问题都算完满解决总算松了一口气

变态嘅魔术(翻屋企用图片解析),pb同靓太都能够准时睇左,大骂校门口大排档的女人...
还有一个更变态的"广西金嗓子"广告concept...哈哈无聊之中仅存的乐趣...

好想唱K啊...考完试一定一定要好好休息好好去玩先得啦!!

听日妇女节我唔中意呢个名女人节米算咯妇女听落好老
我地学校性别比例严重失衡导致一群平时认为自己年轻的女同胞们纷纷认自己系妇女
要求(又或者系d男同胞主动嘎姐)过呢个节日... 真系...唉...

anyway 各位"妇女" 节日快乐...

--------------------------------------------------------------------------------------------------------------------------

(最新更新: 21:47)

今日两位前舍友共同举办生日盛会出席的人超乎往常...
玩得好颠...玩789 好多人都狂饮幸好自己只同距地玩啤酒(其他人玩白酒)
不过都饮左OK多连续饮左六七杯(好在只杯细)...
因为个肚既问题好耐都无饮过酒虽然今日饮左好多但系真系好开心...
虽然呢D机会只会越黎越少...唉...

目黑 | 2007-03-07 | Read Detail | Commons 6

黑丝袜女人 ... - *新活

果日翻黎报道同今日翻学
发现学校多左好多...黑丝袜女人...
拜托腿粗的朋友就不要折磨别人的眼球了...
请用松身的长裤把腿遮起来!!!
拜托那些张得已经够"姣"的人收敛一点...
这里是学校不是红灯区!!!

目黑 | 2007-03-04 | Read Detail | Commons 4

回家真好...但...我的身份证呢? - *新活

寻日翻左学校报道又因为今日要去广大摞准考证所以寻晚无翻黎...
系学校实在无聊...好多人都出左去玩得翻好少人系学校...
想复习咩?宿舍果d"魔兽"嘅声音令人难以静下心...课室又未开...
连穿prada的恶魔都已经睇多次之后...最后系度不停甘串门串门再串门...

串门串到12点~~终于决定执床训觉...
但系无蚊帐...成为蚊子的头号猎物可悲...

我地班d人得知我今日要去摞证...成班人嘅身份证蜂拥而上...天啊
总共九张...而且个个都系d奖学金候选人...我顶你咩?你地报乜鬼广大啊...
真系想烧晒佢地d准考证!!哈哈~~不过谂下就算拉害人嘅事始终唔可以做嘅...

三号线真系慢...转铁之后去到海珠广场搵师兄帮佢摞埋
呢个时候先开始搵自己嘅身份证...点知...无...天啊!!!
当时仲以为摆左系屋企拉...
当时十分害怕自己帮左人地摞最后自己摞唔到...幸好我背得出个身份证号码
个姐姐都几好人就比我摞左...然后系度搵果九个人个名花费左d时间
搵完摞完之后系广大桂花岗校区综合楼一楼厕所留下一督尿之后就离开左翻屋企...

oh my lovely home~~~真系舒服...因为实在好攰准备训落床休息下嘅时候...
死...我张身份证呢?搵下先...
死...搵唔到啊~~亲爱嘅身份证你响边啊?好挂住你啊...我考试要用你嘎...

到目前为止都搵唔到...幸好自己当时keep住张旧身份证应该ok挂...

继续搵搵唔到先再去补办...哎...悲哀...

目黑 | 2007-03-02 | Read Detail | Commons 4

最后廿几日... - *新活

离插本考试嘅时间越黎越少得翻廿日多d...好担心好紧张啊...
今次可以话系甘大个人最紧张同重视嘅一次考试...

由于长时间被英语呢科毒害紧...今日决定休息...
然后第一次睇语文整理好大部分资料都上网查左好多资料无嘅野...
d古文真系烦...憎!d现代文真系长...憎!!最中意可爱的短诗...咔咔

最后整晒d书啊资料啊出黎摆晒响台面...哇壮观...
我个脑装唔装到甘多野嘎?会唔会爆嘎???

时间无多今晚开始要利用埋无聊嘅睇电视时间作小量复习...哈哈哈哈哈哈哈哈哈哈哈哈哈哈哈

目黑 | 2007-02-27 | Read Detail | Commons 7

天气亦有不定...阴晴... - *新活

寻日早上嘅好天气实在舒服

今日却实在怀念...一早就俾雨水打窗的声音嘈醒
整天又阴阴沉沉的...为何太阳那么吝惜它的光芒呢??

今晚晚饭过后对电脑再一轮大扫除...删左好多好多好多野~~
要刻碟嘅都刻埋(仲未刻得晒tim...听日得闲搞埋佢)...
电脑空间多左唔少但系依然觉得唔够...
光驱已经接近残废大力甘推佢入去先读到碟
睇黎我电脑报废嘅日子不远茑~~但"报废"的代价都ok高...

但愿有能力"报废"

今日无聊又想写少少野先训 that's it~~

目黑 | 2007-02-25 | Read Detail | Commons 2

一年一度嘅交换利是封仪式又到拉...今日中午饭后归家
把所有利是(除父母果两封)拆晒...
发觉每年交换后嘅利是封素质参差整体素质不如啊妈封出去果d...
今年多左两封100大元嘅利是来自我姨妈...因为我表哥已经工作...家庭情况有所改善...系我阿婆嘅劝谕下封左100大元...咔咔
仲有六张旧版50大元...六张银纸全部出自我阿妈手
点解?事源我老豆系银行做野基本上年底阿妈d f同我d亲戚嘅换新银纸嘅电话不绝于耳
今年我老豆整左一大叠我超讨厌嘅旧版50大元翻黎换出去...最后6张流入我手...
该烩...更该烩嘅系我啊嫲竟然话新版嘅50颜色近似于旧版2元...曾经用错过...
十分遗憾为何不是用错在我身上?
今年最细嘅利是黎自我啊婆d唔知乜野"亲戚"
即系我两个过身嘅舅父在世的人(即我啊婆)与另外一家人死去的女儿完成的婚事
算作"亲家"果仲"亲戚"封嘅 "壹"蚊...(好难表达...)
仲有两封我大姨婆嘅两鸡...

最后全数交到我啊妈手上...剩低老豆同阿妈果两封...
当然前提系...我睇sammi嘅钱佢地出...咔咔~~应该有赚...因为呢1000大元利是依然会落入我户口名下拉...

之后阿妈上班应该会有几封d同事俾嘅利是...果d归我但系数额唔会过100囖...

anyway~~利是系个意头(当然呢个"意头"分量越重我越中意)...thanks everyone~~~

目黑 | 2007-02-23 | Read Detail | Commons 2

2007-02-23 - *新活

年初三去完河南d親戚度又到左一年一度入廟拜神嘅時刻
依然系果度三元宮...
依然濃煙滾滾如同火燭...當日大堂仲系度做法事叮叮當當甘...
發現有唔少"大師"都好后生...凡塵俗世真系不得了讓甘多后生仔撇開凡塵...
最后系門口等待十分誠心跪拜需時頗久的小姨和姨媽時發現墻上有一系列關于"孝"的浮雕
才明白一個"孝"字能顯生出如此多的形式